បងប្រុស​បង្កើត​របស់​តារា​ចម្រៀង​រ៉េប Nicki Minaj ត្រូវ​បាន​ជនរងគ្រោះ​ប្ដឹង​ជាប់​ពន្ធនាគារ បន្ទាប់​ពី​​ប្រព្រឹត្តិ​បទល្មើស​រំលោភ​ក្មេង​អាយុ​ទើប​តែ​១២​ឆ្នាំ។

យោង​តាម​សេចក្ដីរាយការណ៍​របស់ US បាន​ឲ្យដឹង​ថា បុរស​វ័យ​៣៧​ឆ្នាំ​ដែល​មាន​ឈ្មោះ​ថា Jelani Minaj ត្រូវ​បាន​គេ​ប្ដឹង​នៅ​លើ​កោះ​ Long Island សហរដ្ឋអាមេរិក​និង​ជាប់​ពន្ធនាគារ​នៅ​តំបន់ ​​Nassau County ក្នុង​សប្ដាហ៍​នេះ។

យ៉ាងណាក្ដី ​លោក Jelani Minaj ត្រូវ​បាន​គេ​ដោះ​លែង​ឲ្យ​មាន​សេរីភាព​វិញ បន្ទាប់​ពី​បាន​​បង់​ប្រាក់​១០០ ០០០​ដុល្លារ​​ទៅ​ភាគី​ជនរងគ្រោះ។ សម្រាប់​ព័ត៌មាន​លម្អិត​ទាក់ទិន​នឹង​បទល្មើស​ខាង​លើ​មិន​ត្រូវ​បាន​​ គេបញ្ចេញ​ឲ្យ​ដឹង​ឡើយ រួម​ទាំង​ថ្ងៃ​ខែ​ដែល​ Jelani​ រំលោភ​ក្មេង​អាយុ​១២​ឆ្នាំ​នោះ។

Jelani Minaj ទើប​តែ​រៀបការ​កាល​ពី​៣​ខែ​មុន​​ជាមួយ​គូ​ដណ្ដឹង​ឈ្មោះ Jacqueline Robinson នៅ​សណ្ឋាគារ Coral House ទីក្រុង​ញីវយ៉ក ហើយ Nicki Minaj ក៏​ចូលរួម​ក្នុង​ពិធី​នោះ​ដែរ៕ ​​​​

ប្រភព៖ mirror , sabay